Ərbəinlə bağlı mərasimlər keçiriləcək

Ərbəin – İmam Hüseynin (ə) şəhadətinin 40-cı günü münasibətilə Azərbaycan məscidlərində matəm mərasimi keçiriləcək.

QMİ-nin mətbuat xidmətindən Teleqraf.com-a verilən məlumata görə, paytaxtda və şimal bölgəsinin bəzi məscidləri istisna olmaqla, bütün bölgələrdəki məscidlərdə keçiriləcək mərasimlərdə Kərbəla hadisələrinin tarixi mahiyyəti, Vətən, iman sevgisi, torpağa bağlılıq təlqin olunacaq. Məclislərdə Kərbəla şəhidlərinin şəninə xütbələr oxunacaq, Vətənimiz uğrunda şəhid olanların əziz xatirəsi yad ediləcək.

Qafqaz Müsəlmanları İdarəsi Azərbaycan müsəlmanlarına İmam Hüseyn (ə) təziyəsi ilə bağlı başsağlığı verir.

BƏXTİYAR