Hacı Şahinin yerinə təyin olunan Əli Şərbətov danışdı: “Bundan sonra...”

"Düzünə qalsa, Məşədi Dadaş məscidinə yeni imam təyin olunmağımı kədərlə qarşıladım. Hacı Şahin Həsənlinin yerinə gəlməyə görə adam üzülür, o, böyük ustad, böyük alim hər kəsə örnək idi".

Bu sözləri Teleqraf.com-a bu gün Məşədi Dadaş məscidinə imam təyin olunan Əli Şərbətov deyib.

“Lakin bəzi vacib məsələlərə görə razılaşmalı oldum. Hacı Şahinlə şəhidlərimizin anım tədbirlərində tez-tez görüşmüşük, gözəl münasibətimiz olub. Böyük qəlbli bir insanı itirmişik, bu, bizim üçün ağırdır. Hacının dəst-xəttini saxlamaqla Allahın dinini çatdırmağa çalışacağıq, əlimizdən gələni edəcəyik. Düzdür, hacının yerin tutmaq mümkün deyil, onun qəlbimizdə ayrı yeri var. O, məsciddə bütün işləri qaydasına qoyub, nizama salıb, vətənpərvərlik aşılayır, dinimizi gözəl şəkildə təbliğ edirdi. Biz də onun bu işini davam etdirməyə çalışacağıq”, - deyə qeyd edib.