Qurban Yetirmişli zəlzələ haqda danışdı: "Mənim də telefonuma bildiriş gəldi..."

Yeraltı təkanların olacağı ilə bağlı bildiriş mənim də telefonuma gəldi. Dünyanın heç bir ölkəsində belə şey yoxdur. Zəlzələ Türkmənistanda baş verib. Onun Azərbaycana nə təsiri ola bilər?!.

Bu sözləri Teleqraf.com-a açıqlamasında AMEA nəzdində Respublika Seysmoloji Xidmət Mərkəzinin baş direktoru, AMEA-nın müxbir üzvü, professor Qurban Yetirmişli deyib.

O bildirib ki, Türkmənistan seysmik bölgədə yerləşir: "Alp-Himalay qurşağının davamı Sakit okean kənarına kimi gedib çıxır. Türkmənistanda həmişə güclü zəlzələlər olub. 1948-ci ildə Aşqabadda 9-10 ballıq təkanlar olub. Belə deyim də yaranıb, Aşqabad batan kimi batdı...".