Hacı Şahinin kanalı ələ keçirildi

Mərhum ilahiyyatçı Hacı Şahin Həsənlinin rəsmi Yutub kanalı kibercinayətkarların hücumuna məruz qalıb və kanal ələ keçirilib.

Teleqraf.com xəbər verir ki, bu barədə İT mütəxəssisi Fərid Pərdəşünas sosial şəbəkə hesabında yazıb.

O bildirib ki, kanalda olan bütün videolar silinib.

Hacı Şahin Həsənlinin rəsmi Feysbuk kanalında hücumla bağlı paylaşım edilib: "Hacı Şahin Həsənlinin sosial şəbəkələrdəki rəsmi hesabları haker hücumlarına məruz qalır. Artıq “Youtube” kanalımız hakerlər tərəfindən ələ keçirilib. Hazırda hücumların zərərsizləşdirilməsi istiqamətində işlər aparılır. Tezliklə ictimaiyyətə məlumat veriləcək".