Bu müəllimlərin əmək haqlarına dəyişiklik ediləcək

1200-dən çox fənn müəllimləri və istehsalat təlim ustaları üçün vakansiyalar olacaq.

Teleqraf.com xəbər verir ki, bunu bu gün keçirilən mətbuat konfransında Peşə Təhsili üzrə Dövlət Agentliyinin direktoru Ceyhun Kərəmov deyib.

“Peşə təhsilində keyfiyyəti artırmaq istəyiriksə, müəllimlər günün tələblərinə cavab verməlidirlər. Həm sənayedə çalışan müəllimləri, həm də mütəxəssisləri cəlb etməliyik. Müəllimləri maliyyə ilə təmin etmək mütləqdir. Bu il müəllimlərin əmək haqlarına dəyişiklik edəcəyik. Daha yaxşı əmək haqqı ilə təmin olunacaqlar”, - deyə bildirib.