"Ermənistan etiraf etmişdi ki, Qarabağ onların deyil" - Lukaşenko

Qarabağ bölgəsində baş verən hadisələrə görə Ermənistan rəhbərliyi günahkardır.

Teleqraf.com yerli mətbuata istinadən xəbər verir ki, bu sözləri Belarus Prezidenti Aleksandr Lukaşenko ölkədə yaşayan müxtəlif millətlərin nümayəndələri ilə görüşündə deyib.

“Qarabağda baş verənlər təkcə Ermənistan rəhbərliyinin günahıdır, mən şəxsən Ermənistan hakimiyyətinə xəbərdarlıq etmişəm ki, əraziləri Azərbaycana verin. Üstəlik Ermənistan hakimiyyəti etiraf ediblər ki, bu “bizim ərazilər deyil. Lakin biz bu torpaqları verməyəcəyik, döyüşəcəyik”, – Lukaşenko çıxışı zamanı deyib.

Belarus lideri qeyd edib ki, o, İrəvanla Bakı arasında problemin sülh yolu ilə həllinə çağırıb.