Gənclər təşkilatının rəhbəri Avropada görüşlər keçirir

Gənclər üçün Təhsil Mərkəzinin icraçı direktoru Fəxrəddin Həsənzadə Gənclərlə İş üzrə 2-ci Avropa Toplantısında iştirak edir.

Mərkəzdən Teleqraf.com-a verilən məlumata görə, Belçikanın paytaxtı Brüssel şəhərində keçirilən toplantı çərçivəsində F.Həsənzadə Gənclər üçün Təhsil Mərkəzinin tamhüquqlu üzvü olduğu Avropa Gənclər Klubları Konfederasiyasının rəhbərliyi ilə görüş keçirib. Görüşdə Mərkəzin Konfederasiyanın fəaliyyətindəki rolu, birgə layihələr, habelə Azərbaycanda keçiriləcək Birinci Avropa Oyunlarına dəstək və digər məsələlər müzakirə olunub.

Qeyd edək ki, Konfederasiya Avropa məkanında ən aktiv beynəlxalq təşkilatlardan biridir. 20-dən artıq Avropa ölkəsinin təmsil olunduğu bu qurumun əsas məqsədi vətəndaş cəmiyyətinin inkişaf etdirilməsində gənclərin rolunu dəstəkləyən fəal gənclər təşkilatları arasında əməkdaşlığın gücləndirməsinə və qeyri-formal təhsilin inkişaf etdirilməsinə kömək etməkdir. Azərbaycan 2012-ci ildə qurumda təmsil olunmağa başlayıb, 2013-cü ildə isə tamhüquqlu üzv statusuna malik olub.

BƏXTİYAR