Təhsil Nazirliyindən "Son zəng” açıqlaması

Bu il Azərbaycanın orta məktəblərində "Son zəng” tədbirləri də müvafiq olaraq mayın 29-u və 30-u bilavasitə ümumtəhsil məktəblərində təşkil ediləcək.

Bu barədə Trend-ə Təhsil Nazirliyindən məlumat verilib. Nazirlikdən bildirilib ki, "Son zəng" tədbiri bu il də ümumtəhsil məktəblərində Təhsil Nazirliyinin əvvəlki illərdə müəyyən etdiyi qaydada təşkil olunacaq.

"Son zəng" tədbirinin tələb edilən səviyyədə təşkilinə bilavasitə ümumtəhsil məktəblərinin rəhbərləri cavabdehdirlər.