Komitənin Quba bölgəsi üzrə şöbəsində seminar-treninq keçirilib

Bu gün Qubada Dini Qurumlarla İş üzrə Dövlət Komitəsinin (DQİDK) ştat vahidinin artması və yeni əməkdaşların cəlb olunması ilə əlaqədar olaraq bölgə şöbələrinin fəaliyyətində səmərəliliyin artırılması, dövlət-din münasibətləri sahəsində strateji hədəflər istiqamətində məlumatlılığın təmin edilməsi ilə bağlı şöbənin əməkdaşları üçün seminar-treninq keçirilib.

Komitənin mətbuat xidmətindən Teleqraf.com-a verilən məlumata görə, seminar-treninqdə DQİDK-nın Dini qurumlarla iş üzrə şöbəsinin müdiri Əliheydər Zülfüqarov, DQİDK-nın Maliyyə-təsərrüfat şöbəsinin müdiri Oktay Hüseynov, Dini təhsil sektorunun müdiri Anar Əlizadə, sektorun baş məsləhətçisi Anar Əliyev, Quba bölgəsi üzrə şöbəsinin müdiri Eynulla Nurullayev və şöbənin əməkdaşları iştirak ediblər.

Seminarda DQİDK-nın iş prinsiplərinin xüsusiyyətləri ilə yanaşı, bölgədəki dini durum da müzakirə olunub. Sonda seminar iştirakçılarının sualları cavablandırılıb.

Qeyd edək ki, analoji seminar-treninqlərin komitənin müvafiq dislokasiyaları üzrə digər regional şöbələri ilə də keçirilməsi nəzərdə tutulub.

BƏXTİYAR