Ajiotaj doğuran - VİDEOÇARX

31 May Beynəlxalq Tütünlə mübarizə günündə Bakıda No Smoking festivalına start verilir.

Festivalın təşkilat komitəsindən Teleqraf.com-a verilən məlumata görə, festivala 17 noyabr Siqaretdən Beynəlxalq imtina günündə yekun vurulacaq. Festival çərçivəsində mövzu ilə əlaqədar Səhiyyə Nazirliyi İctimai Səhiyyə və İslahatlar Mərkəzinin dəstəyi ilə gənclər üçün seminarlar da keçiriləcək.

Xalq artisti Brilliant Dadaşova isə festival çərçivəsində keçirilən kampaniyalarda iştirak edəcək.

Qeyd edək ki, ötən illərdə layihənin tanıtım çarxlarına xalq artistləri Brilliant Dadaşova, Həmidə Ömərova, əməkdar artistlər Murad Dadaşov, Firdovsi Atakişiyev, müğənnilər Eldar Qasımov, Səbinə Babayeva, Elnur Məmmədov, Elnarə Xəlilova və başqaları da çəkiliblər.

Teleqraf.com festivalın sosial şəbəkələrdə geniş ajiotaja səbəb olan tanıtım videosunu təqdim edir.

Videoçarxda modellər Elvin Bəhmənli və Ramina Abasova çəkiliblər.

Nərmin