Masallıda 12 otaqlı ev yandı

Masallı rayonunda 12 otaqlı ev yanıb.

Fövqəladə Hallar Nazirliyindən Teleqraf.com-a verilən məlumata görə, Masallı rayonu, Təzə Alvadı kəndində vətəndaşlara məxsus ümumi sahəsi 612 m2 olan 12 otaqlı evin 2-ci mərtəbəsində 6 otağın yanar konstruksiyaları 240 m2 sahədə və dam örtüyü yanıb.

Yanğın zamanı vətəndaş yanıq xəsarəti almış və aidiyyatı üzrə təhvil verilib. Evin 1-ci mərtəbəsi və qonşu evlər yanğından mühafizə olunub.

Yanğın saat 16:20-də yanğınsöndürənlər tərəfindən söndürülüb.