Başçının evindən çıxan milyonların taleyi necə olacaq?.. - Qərar

İmişli rayon İcra Hakimiyyətinin sabiq icra başçısı Vilyam Hacıyevin evindən çıxan pullar dövlət nəfinə ödəniləcək.

Teleqraf.com xəbər verir ki, bu barədə bu gün Bakı Ağır Cinayətlər Məhkəməsinin hökmündən qeyd olunub.

Vilyam Hacıyevə məxsus mənzilə və xidməti otağına baxış zamanı aşkar olunaraq götürülən 23.06.2021-ci il tarixinə olan Mərkəzi Bankın məzənnəsinə əsasən, 6 298 834 manat ekvivalentində 2 504 057 ABŞ dolları və 1 006 470 avro, 365 ingilis funt sterlinq, 60 İsveçrə frankı, 455 türk lirəsi, 1 970 BƏƏ dirhəmi, 19 350 Rusiya rublu şəklində xarici valyutalar və 55 550 manat olmaqla cəmi 6 354 384 manat məbləğində nəğd pul vəsaiti dövlət nəfinə ödəniləcək.

Vilyam Hacıyev Bakı Ağır Cinayət Məhkəməsinin hökmü ilə 12 il azadlıqdan məhrum edilib.