Binəqədidə xuliqanlıq edən gəncə ağır cəza

Bu gün Bakı Ağır Cinayətlər Məhkəməsində 1992-ci il təvəllüdlü Ülvi Cəfərovun cinayət işi üzrə məhkəmə prosesi yekunlaşıb.

Teleqraf.com xəbər verir ki, hakim Azad Məcidovun sədrliyi ilə keçirilən prosesdə təqsirləndirilən şəxsə hökm oxunub. Məhkəmənin hökmü ilə Ülvi Cəfərov 7 il 10 ay 2 gün müddətinə azadlıqdan məhrum edilib.

Qeyd edək ki, Ülvi Cəfərov Binəqədi rayon ərazisində xuliqanlıq nəticəsində bıçaqlanma hadisəsi törədib. O, Cinayət Məcəlləsinim 126.1-ci (sağlamlığa ağır xəsarət yetirmə) və 221-ci ( xuliqanlıq) maddələri ilə ittiham olunub.

Ülvi Cəfərov Cinayət Məcəlləsinin digər maddələri ilə dustaqlıq həyatı yaşayıb.

Hacı Zeynalov