Rusiya Prezidenti Vladimir Putin ənənəvi olaraq televiziyada canlı yayımla vətəndaşların suallarını cavablandıracaq.
Teleqraf.com “RİA Novosti”yə istinadla xəbər verir ki, birbaşa yayım iyunun 7-də yerli vaxtla saat 12:00-da başlayacaq. Mətbuat konfransı “Rossiya1”, “Rossiya24”, “ORT” telekanalları, “Mayak” radiostansiyası, “FM Xəbərləri” və “Rusiya Radiosu” ilə canlı yayımlanacaq.
Dövlət başçısı ölkənin ictimai-siyasi və sosial-iqtisadi həyatına dair, eləcə də beynəlxalq vəziyyətlə bağlı vətəndaşları maraqlandıran sualları cavablandıracaq.
Sualları müxtəlif sosial şəbəkələr, SMS və MMS-lə ünvanlamaq mümkündür.