Elnur "O səs Türkiyə"nin finalında

Həmyerlimiz Elnur Hüseynov “O səs Türkiyə”nin yarımfinal həftəsində çıxış edib.

Teleqraf.com xəbər verir ki, E. Hüseynov musiqisi Tofiq Quliyevə, sözləri Rəsul Rzaya məxsus olan “Yalqızam, yalqız” mahnısını ifa edib.

Ebru Gündeşin komandasında yarışan həmyerlimiz 8 iştirakçı arasında gedən mübarizədə 6-lığa daxil olub.Şərtlərə əsasən ən az səs yığan iki nəfər yarışmanı tərk etdikdən sonra digər ifaçılar növbəti dəfə çıxış ediblər.

Elnur Hüseynov yarımfinal mərhələsində ikinci çıxışı söz və musiqisi Sertap Erenerə məxsus “Vur yüreğim” mahnısı olub. Sənətçi səsvermə nəticəsində finala vəsiqə qazana bilib.