13 Oktyabr 14:44

Bolqarıstan Respublikasının Prezidenti Rumen Radev bu gün Azərbaycan Respublikası Milli Məclisi sədrinin birinci müavini Ziyafət Əsgərov ilə görüşüb.

Teleqraf.com xəbər verir ki, görüşdə ikitərəfli əlaqələrdən danışılıb, ölkələrimiz arasındakı münasibətlərin yüksələn xətlə inkişaf etdiyi vurğulanıb. Ziyafət Əsgərov bildirib ki, Azərbaycan Bolqarıstan ilə münasibətlərin inkişafına böyük önəm verir.

Milli Məclis sədrinin birinci müavini Ermənistan-Azərbaycan, Dağlıq Qarabağ münaqişəsi barədə də söhbət açıb, bu problemin ölkəmizin inkişafına mane olduğunu vurğulayıb.

Prezident Rumen Radev müxtəlif sahələrdə əməkdaşlığın Azərbaycan ilə Bolqarıstan arasında əlaqələrin vacib hissəsini təşkil etdiyini söyləyib. Dövlət başçısı bildirib ki, bu əməkdaşlıq ölkələrimizin daha da yaxınlaşmasına şərait yaradıb.


Müəllif: Teleqraf.com