Marseldə yanğın davam edir

Fransanın cənubunda meşə yanğınları 2-ci gündür ki, davam edir.

Yanğın artıq 3 min hektardan çox əraziyə yayılıb. Marselin 20 kilometrliyində yerləşən Vitrol şəhərindəki bir neçə yaşayış məhəlləsi evakuasiya edilib.

20 evin yandığı,7 nəfərin xəsarət aldığı xəbər verilir. Həmçinin Marselin 40 kilometrliyində yerləşən Fos-syur-Mer şəhərciyi təhlükə ilə üzləşib.

Bir neçə maşın yolunda hərəkət dayandırılıb. Merseldəki beynəlxalq hava limanı işləsə də bir neçə reys təxirə salınıb. Alovla mübarizəyə 2500 yanğınsöndürən və texnika cəlb edilib.

Qeyd edək ki, Marseldə neft-kimya zavodu var. Amma yerli rəhbərlik şəhərə təhlükə olmadığını deyir.