Obama: “Bill, gəl səni evə aparım" - VİDEO

ABŞ prezidenti Barak Obama İsrailin 9-cu prezidenti Şimon Peresin dəfnindən ölkəsinə qayıdanda sabiq ABŞ dövlət başçısı Bill Klintonu öz təyyarəsinə dəvət edib.

Teleqraf.com xəbər verir ki, Obama təyyarənin bortunda qışqıraraq Klintonu tələsməyə çağırıb. Sosioloq Metyu Makdermot tvitter hesabında bu haqda yazıb. Onun sözlərinə görə, Obama əlini yelləyərək Klintonu çağırsa da, sabiq prezident reaksiya verməyib. Obama təyyarənin pilləkəninə yaxınlaşaraq israrla deyib: “Bill, gəl, mən evə səni aparacağam”.

Obamanı gözlədən Bil Klinton nəhayət, təyyarəyə qalxıb, Obamanın əlini sıxaraq təyyarənin salonuna daxil olub.

Kəmalə