Olland: “Dağlıq Qarabağda qarşıdurmanın qarşısını almaq üçün fəaliyyət göstərməliyik”

“ABŞ və Rusiya ilə birlikdə ATƏT-in Minsk qrupunda həmsədr ölkə olan Fransa Dağlıq Qarabağ münaqişəsinin həllin ilə bağlı xüsusi məsuliyyət daşıyır”.

Bunu Fransa prezidenti Fransua Olland Fransadakı ermənilərin Əlaqələndirmə Şurasının illik şam yeməyində bildirib.

“Biz tələsirik. Doğurdan da ötən il aprelin 2-4-də baş verən dəhşətli hadisələrdən sonra problemin həlli ilə bağlı qərar qəbul edilməsi sahəsində tələsigənlik mövcuddur. Demək olar ki, hər gün Qarabağda ölüm hadisəsi qeydə alınır. Beləliklə, biz qarşıdurmanın qarşısını almaq üçün fəaliyyət göstərməliyik”, - deyə Fransua Olland vurğulayıb.

Fransa prezidenti deyib ki, Dağlıq Qarabağ münaqişəsinin tənzimlənməsi məsələsini müzakirə etmək üçün Ermənistan prezidenti Serj Sarkisyanı Parisə dəvət edib. O bildirib ki, Ermənistan rəhbəri martın 8-də Fransaya səfər edəcək.//report.az