İŞİD Mosulda kimyəvi silah tətbiq etdi

İŞİD terror qruplaşmasının yaraqlıları cümə günü İraqın Mosul şəhərinin qərbində yerləşən və bu yaxınlarda azad olunmuş rayonlarında zəhərləyici maddə tətbiq ediblər.

“Report” xəbər verir ki, bu barədə İraq ordusundakı anonim mənbəyə istinadən “Associated Press” məlumat yayıb.

Onun sözlərinə görə, İŞİD yaraqlıları tərkibində xlor olan raket atıblar. Hücum nəticəsində yeddi hərbçinin tənəffüsündə problem yaranıb, onlar xəstəxanaya yerləşdirilib.