Əsəd ordusu 228 yaşayış məntəqəsini azad edib

Suriyada hökumət qoşunları bu ilin əvvəlindən "İslam dövləti" beynəlxalq terror təşkilatı tərəfindən ələ keçirilmiş 228 yaşayış məntəqəsini azad edib.

Trend-in RİA Novosti-yə istinadən veridiyi xəbərə görə, bu haqda Rusiyanın Suriyada düşmən tərəflərin barışdırılması Mərkəzi məlumat verib.

Rusiya Müdafiə Nazirliyinin saytında dərc edilmiş bülletendə deyilir: "Suriyanın hökumət qoşunlarının "İslam dövləti" terror təşkilatının silahlı birləşmələrindən 2017-ci il yanvarın 1-dən azad etdiyi yaşayış məntəqələrinin sayı 228-ə çatıb".

Qeyd edək ki, sutka ərzində hökumət qoşunlarının nəzarəti altına 6 kvadrat kilometr ərazi keçib.