Atatürkü təhqir edənin cəzası bəlli oldu

Türkiyə Cümhuriyyətinin yaradıcısı Mustafa Kamal Atatürkü təhqir edən "Yeni Şəfəq" qəzetinin yazarı Mustafa Ərməğana 4,5 il həbs cəzası istənilib.

Teelqraf.com xarici mediaya istinadla xəbər verir ki, bununla bağlı Bakırköy Respublika Baş Prokurorluğu məlumat verib.

Bundan başqa, günahı sübuta yetirilərsə, Ərməğan 70 min lirə (33,5 min AZN) cərimə də ödəməli olacaq.

Qeyd edək ki, TVNet-də yayımlanan "Dərin Tarix" verilişinin qonağı Süleyman Yaşılyurdun "Afət İnan Çankayanın nikahsız birinci ledisidir" ifadəsi və Ərmağanın "Mustafa Kamal ilə Afət İnan birlikdə yatıb dururdular" iddiası kəskin etirazlara səbəb olmuşdu.

Radio və Televiziya Yüksək Qurumu TVNet-i bu proqrama görə 70 min lira (33,5 min AZN) cərimələmişdi.