19 İyul 2017 15:06
747
12 Punto 14 Punto 16 Punto 18 Punto

İran Xarici İşlər Nazirliyi bəyanat yayaraq, ABŞ hökumətinin Tehrana qarşı tətbiq etdiyi yeni sanksiyalara reaksiya verib.

Teleqraf.com xarici mediaya istinadla xəbər verir ki, bəyanatda Vaşinqtonun İrana qarşı yeni sanksiyalar tətbiq etməsinin “mənasız addım” olduğu və rəsmi Tehranın Vaşinqtonun bu addımını cavabsız qoymayacağı bildirilib:

“ABŞ-ın ölkəmizə qarşı yeni sanksiyalar tətbiq etməsi Vaşinqtonun avropalı müttəfiqlərini nüvə sazişindən çıxmağa məcbur etmək cəhdinin uğursuz qalmasının nəticəsidir. Bununla da Vaşinqton bu uğursuzluğunu ört-basdır etməyə çalışır.

ABŞ-ın İrana qarşı bu addımı qanunsuzdur və biz Vaşinqtonun bu hərəkətinə cavab olaraq, onlara qarşı eyni addımı atacağıq”.

Xatırladaq ki, ABŞ Maliyyə Nazirliyi iyulun 18-də İranın raket proqramına dəstək verən 18 fiziki və hüquqi şəxsə sanksiya qoyub.


Müəllif: Samir