İrəvan 18 nəfərin qatilini azadlığa buraxır

2013-cü ilin iyulunda Yeni Moskva ərazisində baş verən, 18 nəfərin ölümü və 60 nəfərin yaralanması ilə nəticələnən qəzanın səbəbkarı Ermənistan vətəndaşı Qraçya Arutyunyan azadlığa buraxıla bilər.

Teleqraf.com xarici mediaya istinadla xəbər verir ki, bununla bağlı Arutyunyanın qayınatası Viktor Martirosyan açıqlama verib.

Onun sözlərinə görə, bur həftə öncə Ermənistana ekstradisiya olunan Arutyunyanın səhhətində ciddi problemlər yaranıb:

"Moskva məhkəməsi onu 6 il 9 ay müddətinə azadlıqdan məhrum edib. Arutyunyan cəzasının qalan hissəsini ev dustağı qismində keçirə bilər. Bununla bağlı lazımı orqanlara müraciət etmişik. Güman edirik ki, yaxın 2 ayda o, azadlığa buraxılacaq".