Ukrayna ABŞ kəşfiyyatını ittiham etdi

Ukrayna Baş prokuroru Yuri Lutsenko ABŞ-ın Mərkəzi Kəşfiyyat İdarəsini (MKİ) ittiham edib.

Teleqraf.com xarici mediaya istinadla xəbər verir ki, o, yerli Anti-korrupsiya idarəsinin MKİ ilə əməkdaşlığını qanunsuz adlandırıb:

“Xarici kəşfiyyat idarəsi əməkdaşlarına Ukrayna ərazisində əməliyyat aparılmasına icazə verilməsi yerli qanunvericiliyin kobud surətdə pozulması deməkdir”.

Bununla o, Ukrayna Anti-korrupsiya idarəsinin rəhbəri Artyom Sıtnikin qanunsuz hasilatla bağlı açıqlamasına cavab verib. Sıtkin bu məsələdə MKİ-nin yardımından istifadə etdiyini bildirmişdi.

Lutsenko qeyd edib ki, Sıtkin bu açıqlama ilə öz işindəki problemləri gizlədəcəyini düşünür.