Maliyyə yardımı: Trampın hədələdiyi ölkələr - Siyahı

ABŞ Prezidenti Donald Trampın BMT Baş Assambleyasındakı Qüds səsverməsindən öncə Vaşinqtonun yardım etdiyi ölkələrə maliyyəni kəsəcəyi ilə bağlı xəbərdarlığı dünya gündəmindən düşmək bilmir.

Teleqraf.com xəbər verir ki, bu açıqlama BMT Baş Assambleyasında Qüds qərarından sonra yenidən aktuallaşıb.

Bəs, görəsən, ABŞ hansı ölkələrə və nə qədər yardım göndərir?

Bununla bağlı dünyanın bir çox agentlikləri müxtəlif rəqəmlər açıqlayıb. Məlumata görə, ABŞ-ın ən çox maliyyə yardımı göstərdiyi ölkələr İsrail, Əfqanıstan, Misir, İraq, Keniya, Efiopiya və İordaniyadır. Bu ölkələrdən bircə Keniya səsvermədə iştirak etməyib. İsrail ABŞ-ın lehinə, qalanları isə əleyhinə səs veriblər.

Qeyd edilib ki, bu ölkələrin əksəriyyəti ABŞ-ın əli ilə qarışdırılmış, daha sonra isə “yardım” edilmiş ölkələrdir. Həmin ölkələrdə çox sayda amerikalı var. Onların təhlükəsizliyi səbəbindən ABŞ-ın bu ölkələrə yardımı dayandırması mümkün deyil.

Vaşinqton bu ölkələrə ildə nə qədər yardım ayırır?

İsrail – 3,1 milyard dollar

Misir – 1 milyard 380 milyon dollar

Əfqanıstan – 782 milyon dollar

İordaniya – 636 milyon dollar

Keniya – 632 milyon dollar

Tanzaniya – 545 milyon dollar

Uqanda – 450 milyon dollar

Zamibiya – 428 milyon dollar

Nigeriya – 413 milyon dollar

Pakistan – 344 milyon dollar

Somali – 177 milyon dollar

Səudiyyə Ərəbistanı – 10 min dollar

Türkiyə – 3 milyon 800 min dollar

Cibuti – 2 milyon dollar

ABŞ ümumilikdə 92 ölkəyə maliyyə yardımı göstərir. 2015-ci ildə göndərilən yardımın həcmi 43 milyard, 2016-cı ildə 49 milyard dollar olub, 2018-ci ildə isə 25 milyard dollar olacağı gözlənilir.