“Kommunistlərin iqtidara gəlməməsi üçün...” - MKİ-nin eks-şefi

ABŞ Mərkəzi Kəşfiyyat İdarəsinin (MKİ) sabiq rəhbəri Ceyms Vulsi Rusiyanın ölkəsindəki seçkilərə müdaxilə iddialarını şərh edib.

Teleqraf.com xəbər verir ki, MKİ-nin sabiq direktoru Amerikanın da zamanında digər ölkələrdə keçirilən seçkilərə müdaxilə etdiyini deyb.

O, bu etirafını ABŞ-ın FOK Televiziya kanalında edib:

“Bəli, biz də seçkilərə müdaxilə etmişik. Ancaq bunu kommunistlərin iqtidara gəlməsini əngəlləmək üçün, siyasi sistemin yaxşılığı üçün, yəni demokratiyanın mənfəətləri və sadəcə yaxşı bir məqsəd naminə etmişik”.

Bill Klintonun prezidentliyi dövründə MKİ direktoru olan Ceyms Vulsinin bu açıqlamasına Rusiyanın Londondakı səfirliyi sosial media hesabında “Hər şeyi anladır” şəklində reaksiya verib.