Baş nazir XİN rəhbərini işdən qovacağı ilə hədələdi

Böyük Britaniyanın Baş naziri Tereza Mey Nazirlər Kabinetinin Avropa İttifaqından çıxmaqla bağlı planını pozacaqları təqdirdə Xarici İşlər naziri Boris Consonu və digər nazirləri istefaya göndərəcəyi barədə hökumət üzvlərinə söz verib.

Teleqraf.com xəbər verir ki, bu barədə “The Times” qəzeti məlumat yayıb.

“Biz Brexit üzrə mövqeyimizi formalaşdırarkən, mən kabinetindəki həmkarlarımıza öz şəxsi mövqeyini ifadə etməyə imkan verirdim. İndi isə vəziyyət başqa cürdür. Mövqe artıq formalaşdırılıb – kollektiv məsuliyyət daşımağın zamanı yetişib”, – deyə qəzet T.Meydən sitat gətirib.

Qeyd edək ki, Londonun Brexit üzrə strategiyası növbəti həftə rəsmi şəkildə dərc olunacaq.