Bir gündə 3 məmur qətlə yetirildi - Qisas

Meksikanın Miçoakan ştatının Buenavista şəhərinin meri Eliseo Delqado qətlə yetirilib. Bununla da Meksikada bir sutka ərzində öldürülən məmurların sayı 3-ə çatıb.

Teleqraf.com xəbər verir ki, mer naməlum şəxs tərəfindən şəhər administrasiyasından çıxarkən güllələnib. O, “Tarixi birgə yazaq” koalisiyasından şəhər meri seçilmişdi.

Bundan əvvəl isə eyni gündə Tlekepak şəhər şurasının müşaviri və ümimi işlər üzrə komissar qətlə yetirilib.

Hər üç məmurun narkotik qaçaqmalçıları tərəfindən öldürüldüyü bildirilir.