Rus hərbi bazasını çəkmək istəyən türk saxlanıldı – İddia

Türkiyə vətəndaşı Ermənistan sərhədlərini keçərkən saxlanılıb.

Teleqraf.com xəbər verir ki, adı açıqlanmayan şəxs Rusiya Federal Təhlükəsizlik Xidmətinin əməkdaşları tərəfindən saxlanılıb.

İddia edilir ki, o, Rusiyanın hərbi bazasının (102-ci) yerləşdiyi Gümrü şəhərinə keçməyə cəhd edib.

Saxlanılan şəxsin üzərindən axtarış zamanı mobil telefonundan Ermənistan – Türkiyə sərhədindəki mühəndislik qurğularının foto və video faylları aşkar edilib.

Erməni mənbələr Türkiyə vətəndaşının Gümrüdəki rus hərbi bazası ətrafında müşahidə aparmaq niyyətində olduğunu da iddia edirlər.