Merkel Ali Radada ittiham olundu – Krımın itirilməsinə görə

Ukrayna Ali Radasının “Radikal partiya”dan olan deputatı Yuri Çijmar Krım və Donbasın itirilməsinə görə Almaniyanın federal kansleri Angela Merkeli ittiham edib.

Teleqraf.com xəbər verir ki, o bu bəyanatla Ukraynanın ZIK televiziyasının “Xalq qarşıdır” tok-şosunun efirində çıxış edib.

Y.Çijmarın fikrincə, əgər A.Mekrel 2008-ci ildə Ukraynanın NATO-ya üzvlük planına qarşı çıxmasaydı, Donbasda münaqişə olmazdı, Krım isə Rusiyanın tərkibinə keçməzdi.

“Bizim 2008-ci ilədək NATO-ay üzvlüklə bağlı çox sərt mövqeyimiz var idi. Ancaq məhz Angela Merkel həmin il Buxarestdə keçirilən NATO sammitində Putin Rusiyasının xeyrinə Ukraynanın NATO-ya üzvlüyünə qarşı çıxdı”, – deyə deputat bildirib.