"Huveyzə" təqdim olundu - İrandan gözdağı

İran yeni 1350 km mənzilli "Huveyzə" raketini ictimaiyyətə təqdim edib.

Teleqraf.com xəbər verir ki, raket İranın Müdafiə naziri Əmir Hatəminin qatıldığı mərasimdə tanıdılıb. Raketin xüsusiyyətləri barədə məlumat verən nazir "Huveyzə"nin yerli istehsal olduğunu vurğulayıb.

Onun sözlərinə görə, hədəfi dəqiq vurma qabiliyyətinə malik olan raketin 1200 km mənzildəki sınaqları uğurla nəticələnib.

Qeyd edək ki, ABŞ və Rusiyanın 1987-ci ildə əldə edilən “Orta Mənzili Nüvə Qüvvələri Razılaşması”ndan çıxmasından sonra İranın yeni raketini tanıtması dünyaya meydan oxuması kimi xarakterizə edilir.