Putin və Medvedev Ermənistana gedir - İddia

Rusiya prezidenti Vladimir Putin Ermənistana səfər edəcək.

Publika.az xəbər verir ki, bu barədə Ermənistanın “Qraparak” qəzeti yazıb.

Qəzet qeyd edir ki, Avrasiya İqtisadi İttifaqının Parlamentlərarası Şurasının iclası 29-30 apreldə İrəvanda olacaq: “Rusiyanın baş naziri Dmitri Medvedev iclasda iştirak məqsədilə Ermənistana səfər edəcək. Vladimir Putin isə payızda Ermənistana gələcək. Münasibətlərin gərginliyinə baxmayaraq, Moskva Ermənistan hakimiyyəti ilə əlaqələri kəsmək istəmir”.

Qeyd edək ki, Nikol Paşinyan hakimiyyətə gələndən sonra rəsmi İrəvan nə qədər çalışsa da, Putin Ermənistana səfər etməyib. Ötən ilin sentyabrında Rusiya prezidentinin Bakıya səfəri isə Ermənistanda ciddi narahatlıqla qarşılandı. Əgər Putin payızda Ermənistana səfər etsə, bu, Paşinyan hakimiyyəti dövründə ilk səfər olacaq.