Almaniyada qaçqın düşərgəsində qarşıdurma: yaralananlar var

Almaniyanın Bavariya bölgəsinin Stephanspoşinq qəsəbəsində yerləşən qaçqın düşərgəsində baş verən üsyanı polis yatırıb.

Teleqraf.com xarici mediaya istinadən xəbər verir ki, polisin müdaxiləsi zamanı 3 qaçqın qadın həbs edilib.

Polisin müdaxiləsi ilə vəziyyət nəzarətə götürüldükdən sonra araşdırmalar başladılıb. Məlumata görə, polis 3 nigeriyalı qadını həbs edib. Qarşıdurma zamanı 5 polis əməkdaşı yaralanıb. Üsyan zamanı və müdaxilə anında çoxlu sayda qaçqının da yaralandığı deyilir.

6 qaçqın barəsində araşdırma aparılır. Eyni zamanda üsyana qalxan qaçqınlar fərqli düşərgələrə göndərilib.

Polis günahı olan qaçqınları gəldikləri ölkəyə göndərəcəyini açıqlayıb.