Pakistandan Hindistana sərt mesaj: “Müharibədən də çəkinməyəcəyik”

“Müsəlmanlar savaş istəmir, ancaq lazım olsa müharibədən də çəkinməyəcəyik”.

Teleqraf.com xəbər verir ki, bu sözləri Pakistan Prezidenti Arif Əlvi Hindistanın Cammu və Kəşmirin statusunu dəyişdirmək qərarına münasibət bildirərkən deyib.

Arif Əlvi Pakistanın müstəqillik günündə Hindistanın bu addımını beynəlxalq hüquqa zidd sayıb, Pakistanın kəşmirliləri tək qoymayacağını vurğulayıb.

Pakistanın baş naziri İmran Xan isə Kəşmirin Pakistana aid hissəsinə səfər edib, yerli əhalini dəstəklədiklərini bildirib.

Pakistan Hindistanın son qərarından BMT-yə müraciət edib.