Azərbaycanlı yazıçı həbs olundu

Güney azərbaycanlı milli-mədəni fəal, yazıçı Rəhim Qulami Ərdəbildə həbs olunub.

Teleqraf.com xəbər verir ki, Rəhim Qulaminin hansı ittiham əsasında həbs olunduğu bildirilməyib.

Bundan əvvəl o, İranın dini şəxslərini təhqir etməkdə ittiham olunaraq, İnqilab Məhkəməsinin hökmü ilə 1 il azadlıqdan məhrum edilmişdi.

Martın 4-də həbs olunan Qulami 2 ay sonra barəsində verilən hökmün dəyişdirilməsi ilə azadlığa buraxılmışdı.