Fransa Jak Şirakla vidalaşır – Dəfnə Putin də qatıldı

Rusiya Prezidenti Vladimir Putin Fransanın keçmiş prezidenti Jak Şirakla vida mərasimində iştirak etmək üçün Parisə gəlib.

Teleqraf.com xəbər verir ki, mərasim aparıcı telekanallar tərəfindən canlı yayımlanır.

Kreml bundan əvvəl V.Putinin J.Şirakın vida mərasimində iştikar üçün Parisə gedəcəyini açıqlamışdı.

Jak Şirak 1995-ci ildən 2007-ci ilə qədər Fransaya rəhbərlik edib. Keçmiş dövlət başçısı ömrünün 87-ci ilində dünyasını dəyişib. Onun vəfatı ilə bağlı sentyabrın 30-u Fransada milli matəm günü elan edilib. Parisdəki Sent-Sülpis kilsəsində keçirilən dəfn mərasiminə ölkə prezidenti Emmanuel Makron və digər dünya liderləri qatılıb.