Almaniyadan Gürcüstan ordusuna dəstək

Almaniya hökuməti Gürcüstan Silahlı Qüvvələrinə texniki yardım edib.

Teleqraf.com xəbər verir ki, bu barədə Gürcüstan Müdafiə Nazirliyi məlumat yayıb.

Məlumatda deyilir ki, Almaniya hökuməti Gürcüstana yardım məqsədilə 12 ədəd hərbi avtomobil göndərib.

Nəqliyyat vasitələri Gürcüstan Silahlı Qüvvələrinə təqdim olunub.

Mərasimdə Gürcüstanın Müdafiə naziri İrakli Qaribaşvili, Almaniyanın bu ölkədəki səfiri Hubert Knirş və digər rəsmi şəxslər iştirak ediblər.

İ.Qaribaşvili göstərilən yardıma görə Almaniya hökumətinə minnətdarlıq edib. O, iki ölkə arasında əlaqələrdən danışıb, bu yardımın münasibətlərin daha da möhkəmlənməsinə xidmət etdiyini vurğulayıb.

Bildirib ki, Almaniyanın bu dəstəyi Gürcüstan Silahlı Qüvvələrinin logistik imkanlarının gücləndirilməsi üçün nəzərdə tutulur.

Xatırladaq ki, daha əvvəl ABŞ hökuməti Gürcüstana hərbi yardımlar etmişdi.