4 Avqust 2020 00:36
616
12 Punto 14 Punto 16 Punto 18 Punto

Əfqanıstanın şərqində yerləşən Nanqarhar əyalətinin administrativ mərkəzi Cəlalabad şəhərindəki həbsxanaya hücum nəticəsində azı 29 nəfər həlak olub, 50 nəfər isə müxtəlif dərəcəli xəsarətlər alıb.

Teleqraf.com xəbər verir ki, bu barədə Əfqanıstanın hakimiyyət orqanları məlumat verib.

Əvvəlcə kamikadze bomba yüklü avtomobili həbsxana yaxınlığında partladıb. Ardınca silahlı şəxslər həbsxana binasına daxil olub. 17 saata yaxın davam edən toqquşma nəticəsində hücum dəf edilib. Hücumda iştirak edən silahlılardan beşi öldürülüb. Həmçinin hücum zamanı həbsxanadan qaçmağa çalışan 700-ə yaxın məhbusun tutulduğu bildirilir.

Yerli KİV-lər hücumun məsuliyyətini İŞİD-ə yaxın qruplaşmalardan birinin öz üzərinə götürdüyü barədə xəbərlər yayıb.


Müəllif: Teleqraf.com