Türkiyədən kritik qərar: “S-400”lər aktivləşdirilir

Türkiyənin keçən il Rusiyadan aldığı “S-400” hava hücumundan müdafiə sistemləri sınaqdan keçirilmək üçün Sinopa gətirilib.

Teleqraf.com xəbər verir ki, Türkiyə Hava Qüvvələri 5-16 oktyabr tarixlərində “S-400” batareyası ilə bir sıra atəş sınaqları keçirəcək.

Atəş sınaqları zamanı 10 “Banshee” qırıcılarından istifadə olunacaq.

Həyata keçiriləcək test fəaliyyətləri ilə “S-400”-ün radar funksionallığı, hədəf aşkarlama və izləmə qabiliyyətləri, rabitə sisteminin imkanları və komanda idarəetmə sisteminin performansı müşahidə ediləcək.