Ukrayna və Amerika hərbçilərinin birgə toplantısı - Moskvaya sərt təpki

Bu gün Kiyevdə Ukrayna Silahlı Qüvvələrinin Mərkəzi Zabitlər Evində hərbi əməkdaşlıq və hərbi islahat məsələləri üzrə Ukrayna-Amerika Birləşmiş Koordinasiya Komitəsinin genişləndirilmiş iclası başlayıb.

Teleqraf.com-un UNİAN-a istinadən məlumatına görə, ikigünlük tədbirin keçirilməsinin başlıca hədəfi hərbi islahatlarla bağlı birgə müzakirələr və Ukrayna ordusunun zəruri ethiyaclarının təmin olunması ilə əlaqədar ortaq fəaliyyət planının hazırlanmasıdır.

Toplantıda Ukrayna, ABŞ hərbçiləri ilə yanaşı, Kanada silahlı qüvvələrinin nümayəndələri də iştirak edir. Genişləndirilmiş iclas zamanı iştirakçılar müxtəlif yarımkomitələrin tərkibində işləyəcəklər.

Bundan başqa, müvafiq tədbir çərçivəsində Ukraynanın Silahlı Qüvvələrinin Baş qərargahının rəhbərliyi ilə hərbi əməkdaşlıq və müdafiə islah məsələləri üzrə Ukrayna-Amerika Birləşmiş Koordinasiya Komitəsinin genişləndirilmiş iclasında nümayəndə heyətlərinin protokol görüşü olacaq.

Nail Cəlil