Ərdoğan Merkellə videokonfrans formatında görüşdü

Türkiyə Prezidenti Rəcəb Tayyib Ərdoğan və Almaniya kansleri Angela Merkel arasında videokonfrans formatında görüş olub.

Teleqraf.com xəbər verir ki, bu barədə Türkiyə Prezident Administrasiyasının İctimaiyyətlə əlaqələr şöbəsi məlumat yayıb.

Görüşdə xarici işlər naziri Mövlud Çavuşoğlu, AKP-nin sözçüsü Ömər Çelik, Türkiyə Prezident Administrasiyasının İctimaiyyətlə əlaqələr şöbəsinin rəhbəri Fəxrəddin Altun və Türkiyə Prezidentinin sözçüsü İbrahim Kalın da iştirak edib.

Görüşdə Türkiyə-Almaniya əlaqələri və regional məsələlər müzakirə olunub.