ABŞ Konqresinin qarşısında polis qətlə yetirildi

ABŞ Konqresinin qarşısında naməlum şəxs şəxsi avtomobili ilə qəza törədib.

Teleqraf.com xəbər verir ki, qəza nəticəsində yaralanan sürücü ona yaxınlaşan iki polis əməkdaşına bıçaqla hücum edərək onlara xəsarət yetirib.

Kapitoliy Polis İdarəsinin rəisi vəzifəsini müvəqqəti icra edən Yoqananda Pittman bildirib ki, yaralanan polis əməkdaşı xəstəxanaya yerləşdirilsə də onun həyatını xilas etmək mümkün olmayıb.

Qeyd edək ki, naməlum sürücü polisin açdığı atəş nəticəsində dünyasını dəyişib.