Çində güclü qasırğa: 11 nəfər həyatını itirdi

Çinin şərqində yerləşən Jiangsu əyalətində külək qasırğası 11 yerli sakinin ölümünə səbəb olub.

Teleqraf.com xəbər verir ki, Nantun şəhər administrasiyasının yaydığı məlumata görə, 100-dən çox insan yaralanıb və xəsarət alıb.

Bəzi yerlərdə diametri 1-3 sm arasında dolu düşüb, küləyin sürəti saniyədə 45 metrə çatıb.

Zərər görmüş rayonlardan 3050 nəfər təcili olaraq təxliyə edilib. Təbii fəlakətin nəticələrinin aradan qaldırılması davam edir.