İsrail ordusunun sözçüsü: “Bunun məsuliyyəti mənim üzərimdədir”

İsrail Müdafiə Ordusunun mətbuat katibi Yonatan Konrikus İsrail quru qoşunlarının bu gecə Qəzza zolağına girmədiyini söyləyib.

Teleqraf.com xəbər verir ki, bu barədə RİA Novosti məlumat yayıb.

“Qəzza zolağının içərisində İsrail Müdafiə Ordusunun quru qoşunları yeridilməyıb”, – deyə Konrikus bildirib.

Onun sözlərinə görə, İsrail qoşunları anklavın daxilindəki hədəflərə zərbə endirib.

İsrail ordusunun nümayəndəsi, həmçinin, bu anda Qəzza zolağının daxilində İsrail Müdafiə Ordusunun quru qoşunlarının olmadığını açıqlayıb.

Y.Konrikus yerüstü əməliyyatın başlandığı iddia edilən ifadəni “daxili anlaşılmazlıq”la izah edib. O, bunun üçün məsuliyyəti öz üzərinə götürdüyünü bildirib.