Rusiya bəyan etdi: "Koronavirusa qalib gəlməyə yaxınıq..."

Rusiyanın bir sıra regionları koronavirus üzərində qələbə çalmağa yaxındır.

Teleqraf.com xəbər verir ki, bunu ölkənin səhiyyə naziri Mixail Muraşko RİA Novosti-yə verdiyi müsahibə zamanı bildirib.

“Ancaq vətəndaşların hərəkətliliyi davam edir, bu səbəbdən vəziyyətin sakit və stabil olduğu yaşayış məntəqələrində də peyvənd olunmuş insanlardan ibarət zolaq yaratmaq lazımdır”, - deyə o əlavə edib.

Bundan əvvəl Səhiyyə Nazirliyinin rəhbəri COVID-19-a immuniteti olan rusların payının pis olmadığını, lakin bunun koronavirusu tamamilə məğlub etmək üçün yetərli sayılmadığını söyləyib.

“Rospotrebnadzor”un məlumatına görə, Rusiyada on milyondan çox insan artıq koronavirus əleyhinə tam peyvənd olunub, ümumilikdə peyvənd olunanların sayı 25 milyondur.