Putin Baydenin xüsusi nümayəndəsi ilə görüşdü - Kritik müzakirə

Rusiya Prezidenti Vladimir Putin ABŞ Prezidenti Co Baydenin İqlim Dəyişikliyi üzrə xüsusi nümayəndəsi Con Kerry ilə görüşüb.

Teleqraf.com Kremlə istinadən xəbər verir ki, Kerri Rusiyaya səfəri zamanı Putinlə telefon əlaqəsi saxlayıb və beynəlxalq iqlim dəyişikliyi gündəminin fərqli məqamlarını müzakirə edib.

Bildirilib ki, Putin Rusiyanın Paris Sazişinin hədəflərinə çatmasına böyük əhəmiyyət verir və bu sahədə siyasətdən kənar professional bir dialoqun tərəfdarıdır.

Bu çərçivədə Birləşmiş Millətlər Təşkilatının (BMT) 26-cı İqlim Dəyişikliyi Konfransına hazırlıq məsələlərinin gündəmə gəldiyi qeyd edilib. Ümumilikdə, iqlim problemlərinin Rusiya ilə ABŞ-ın ortaq maraqları və oxşar yanaşmalara sahib olduğu sahələrdən biri olduğu da qeyd edilib.