Almaniyada qəbiristanlıqda olay: Hitlerə bənzətdilər...

Almaniyada vətəndaşlar bir heykəlin Adolf Hitlerə bənzəməsindən şikayət elədikdən sonra mərhumun oğlu heykəli götürməyə məcbur olub.

Teleqraf.com xəbər verir ki, Oliver adlı şəxs 2013 -cü ildə ölən dülgər atası Edvald E.-nin məzarına taxta heykəl qoyub.

Heykəl Hitlerə bənzər bir bığ və neo-nasist hərəkatında “Heil Hitler”in kodu olan 88 rəqəmi həkk olunmuş futbol formasında təsvir olunub. “H” əlifbanın səkkizinci hərfidir.

Narahat vətəndaşlar bələdiyyə başçısına şikayət ediblər. Bundan sonra dərhal heykəl qəbiristanlıqdan götürülüb.