Putin Obama ilə görüşəcək, amma...

ABŞ prezidenti Barak Obama G20 sammitində Rusiya prezidenti Vladimir Putin ilə görüşməyi planlaşdırmasa da, liderlər qeyri-formal şəraitdə ünsiyyətdə ola bilərlər.

Teleqraf.com-un “İnterfaks” agentliyinə istinadən verdiyi xəbərə görə, bu barədə Obamanın milli təhlükəsizlik üzrə müşaviri Syuzan Rays bildirib.

Bundan əvvəl, Obama ilə Putinin Brisbendəki görüşünün baş tutması barədə Rusiya prezidentinin mətbuat katibi Dmitri Peskov açıqlama verib: “Geniş formatlı görüş nəzərdə tutulmasa da, istisna etmirəm ki, prezidentlər arasında ayaqüstü söhbət baş tuta bilər”.