Pakistanda 32 terrorçu öldürüldü

Teleqraf.com-un Pakistan mətbuatına istinadən yaydığı məlumata görə, noyabrın 10-dan 11-nə keçən gecə bu ölkədə fəaliyyət göstərən “Təhrik-I taliban Pakistan”, “Özbəkistan islam hərəkatı”, “Ləşkər-i-islam” qruplaşmasının üzvləri Pakistan ordusunun Orakzay “Qəbilələr zonası”na hücum edib.

tAtışmada 15 terrorçu öldürülüb, Pakistan ordusunun iki əsgəri həlak olub, altı nəfər yaralanıb. Məlumatda deyilir ki, oxşar toqquşma iki gün əvvəl də baş verib.

Pakistanın şimal-qərbindəki Spin Kabar rayonunda təxminən 50 terrorçu Pakistan silahlı qüvvələrinin postuna hücum edib. Silahlı toqquşma nəticəsində 17 ekstremist məhv edilib, qalanları qaçıb.